Får pengar for å leggje ned båtrute

Fjord1 Fylkesbaatane får halvparten av dei 840.000 kronene fylkeskommunen sparar på å leggje ned båtruta til Frønningen i Lærdal.

Dette er resultatet av ein gammal avtale mellom fylkeskommunen og Fjord1 Fylkesbaatane.

Fylkesadministrasjonen føreslår å kutte båtruta for å spare pengar. Blir dette gjennomført, sit bygda att med ferje berre tre dagar i veka, medan Fjord1 kan putte ein fin slump pengar i lomma.

- Skor seg på lita bygd

Folk i Frønningen er opprørt over både kuttforslag og avtalen med Fjord1 Fylkesbaatane.

- Det høyrest heilt forferdeleg ut at det store fylkesreiarlaget skal sko seg på at ei lita bygda skal miste store deler av kommunikasjonen. I tillegg vert selskapet i Frønningen som driv båtruta for Fjord1 utan jobb og dermed mister dei driftsstøtta, og dei risikerer å måtte leggje ned, meiner Birger Lyngset.

Han peikar også på at ei nedlegging av båtruta vil skape store praktiske problem for bygda. 

- Kostar for mykje

Samferdslesjef  i fylkeskommunen, Ole Ingar Hæreid, meiner på si side at storsamfunnet brukar for mykje pengar på Lyngset og sambygdingane hans.

- Vi brukar i dag kring 2,5 millionar kroner årleg på båt- og ferjetilbodet til Frønningen der det bur 10-11 menneske, og det meiner vi er litt for mykje.

Lagnaden til båtruta i Frønningen vert avgjort på møtet i hovudutval for samferdsle i fylkeskommunen onsdag.

Ungdomane i Natur og Ungdom trenar på sivil ulydnad i Vevring
Cruisepassasjer nummer to million steig i dag i land i Flåm. Sidan djupvannskaiein blei bygd for 16 år sidan, har passasjertalet auka kraftig i den vesle bygda. Da lokala havnevesenet e stolte over milepælen, men vil no avgrensa trafikken.
Mannskapet om bord på batteriferja Ampere er lei hets og negative kommentarar. På da verste var sjikaneringa så ille, at det gjekk utover arbeidsmiljøet.