Etter ein runde med naboklager, gjev Olje- og energidepartementet i dag klarsignal til utbygging av mellom 10 og 19 møller. Anlegget kan produsere straum til 6000 husstandar.
Administrerande direktør Stig Svalheim er godt nøgd med avklaringa.
– Det som blir jobben dei neste åra, er å finne ut kva vindturbinar og teknologi vi kan velje. Og så må det heile matche opp mot kraftprisar og el-sertifikatprisar som vi får framover. Der er det uvisse, seier han.
- LES OGSÅ:
- LES OGSÅ:
(Artikkelen held fram under biletet)
Er optimistar
Vestavind kraft kan tidlegast levere kraft i 2015, når den nye kraftlinja mellom Ørskog og Fardal er klar.
– Før den tid har det ingenting for seg å ha noko klart. Vi er tidlegast klare til start i 2015–2016. Vi kan komme i gang med ein testturbin, for det er det kapasitet til i kraftnettet, seier han.
– Vindkrafta er jo relativt dyr å byggje ut og straumprisane svingar. Kor realistisk er det at Vestavind gjer eit vedtak om å byggje ut?
– No når vi har fått konsesjonar å jobbe med, er vi optimistar på at vi skal klare å få økonomi i dette. Men det er klart at slik som i sommar har straumprisane vore veldig låge. Det er kjekt for forbrukarane, men det er vanskelegare å ta investeringar både på vindkraft og vasskraft.
- LES OGSÅ:
- LES OGSÅ:
– Eit viktig bidrag
Statssekretær Ane Hansdatter Kismul i Olje- og energidepartementet seier at Lutelandet vindkraftverk blir eit viktig bidrag i satsinga på fornybar energi.
– Vindkraftutbygginga i Norge skyt no fart. Vindkraftverket kan produsere straum tilsvarande det årlege forbruket til om lag 6000 husstandar, og bidreg til auka forsyningstryggleik.
Glad ordførar
Også Fjaler-ordførar er letta og glad for vedtaket som no har kome.
– Eg er veldig glad. Vi har venta lenge på dette og det er ein gledas dag for Fjaler og HAFS-regionen. No kan vi få på plass både vindkraft og testsenteret som er planlagd, seier Helle.