Fant den siste fangen - no er begge tilbake bak murane

– Han vart observert langs vegen av ein forbipasserande, seier Inge Værøy, operasjonsleiar i Sogn og Fjordane politidistrikt.

I går tidleg rømde to fangar, ein mann i slutten av 20-åra og ein 18-åring, frå fengselet i sognekommunen. Den eldste av dei klarte berre å halda seg skjult i eit par timar, medan 18-åringen klarte å halda seg på frifot i 14 timar.

• LES OGSÅ: Rømde fangar gøymde i tett skog - ein av dei er pågripen

– Han vart arrestert heilt utan dramatikk, seier Værøy.

Det er fjerde gong på tre år at nokon har rømt frå fengselet.

– Dei har gjort det på den vanlege måten. Det er å forsere gjerdet vårt som ikkje er godt nok, sa fengselsleiar Roy Egil Stadheim til nrk.no medan dei framleis jakta på fangane i går føremiddag.

• LES OGSÅ: Har lenge visst at gjerdet er for dårleg - men først til hausten kjem det nytt

Fengselsleiinga har lenge sagt at tryggleiken er for dårleg, men dei har fram til no ikkje fått midlar til å betra sikkerheita. Det blir forandra til like etter sommaren, då startar arbeidet med å setja opp eit nytt og betre gjerde.