Spørsmålet om kommunesamanslåing har skapt stor interesse og debatt i fylket, og når resultata frå dei første folkerøystingane og innbyggjarundersøkingane blir klare måndag kveld, vil NRK Sogn og Fjordane presentere desse fortløpande.
– Vi sender direkte i nett-TV og på P1 frå klokka 20.03. Vi held fram sendinga til resultata er klare, seier Gro Ravnestad og Stian Sjursen Takle som skal vere programleiarar.
- FØRDE:
- SOLUND:
- FJALER:
Lesarane vil også få ei rask og fyldig oppdatering på nettsidene. Programleiarane får selskap av Førde-ordførar Olve Grotle frå Høgre og Venstreordførar Gunnhild Berge Stang i Fjaler. Dei skal legge fram resultata frå innbyggjarundersøkinga i dei to kommunane. Gunn Åmdal Mongstad, Senterpartiordførar frå Solund, vil også vere gjest.
Prosjektleiar hjå Fylkesmannen, Kåre Træen, politisk kommentator i Firda Helge Johnsen og Per Arne Tveit kjem også, for å forklare og kommentere etter kvart som resultat blir klare. NRK har også reporterar ute i felt som vil få inn reaksjonar frå innbyggjarar og politikarar.
– Denne saka er veldig viktig for vårt publikum. Og vi vil gje dei sjansen til å følgje ekstra nøye med i desse spanande timane når resultata tikkar inn, seier programleiarane.
Klikk på kartet for å sjå kva røystealternativ dei ulike kommunane har:
