Desse går vidare til landsmønstring

Desse går vidare til landsmønstringa:

• Lad mannskor med Grønt gras frå Sogndal
  
• Henning og Oddvar med Amore temporaria frå Luster
  
• Nora band med So many faces frå Bremanger
  
• Håvard Endal Husevåg med Stay with me frå Gloppen
  
• Special Kids Unit med Rust pt. 1: Obsession frå Gloppen
  

  

Desse kunstverka vert sendt vidare:

• The three wise monkeys Johanne Nyborg og Lotte Bukve Kjødnes Årdal
  
• Door Benas Gevilas Eid
  
• Ingen sa at livet var lett. Tru meg. Jenny Hatlelid Holsæther Årdal
  
• Sad little blue Natalie Nesje Bremanger
  

  

Over 300 ungdomar deltok med musikk, dans og kunst på fylkesmønstringa som vart arrangert i Førdehuset 20. og 21. april.

• LES OG: Her finn du alt om UKM 2013

Juryen har bestått av Helena Bremer, Bjørn Berge, Thea Hjelmeland, Vegard Fimland, Jessica Ann Venø og Karina Siegmund.

• LES OG: Over 300 ungdomar deltok på fylkesmønstringa
• LES OG: Alt om UKM i 2012

Her er heile grunngjevinga frå juryen:
Juryen har valgt ut desse 5 sceneinnslaga frå UKM Fylkesfinalen i Sogn & Fjordane 2013 som går vidare til landsmønstringa i Larvik.

Lad Mannskor. «Grønt gras». (Tekst og Melodi: Henning Lad)
(Georg Hageberg – 15 år, Henning Lad – 16 år, Henrik Hovland – 16 år, Sondre Herland Øren– 16 år)
Lad mannskor tok scena og publikum med storm! Inngangane til scena var overraskande og komiske og publikum braut stadig ut i latter. Dei imponerte med sterke vokalprestasjonar i ein eigenskriven song på dialekt. Songen var dramatisert med ein enkel og verknadsfull koreografi som gav rom for kvar enkelt karakter. Teksten var humoristisk; den leika med folketradisjonen og gav eit skråblikk på «trivselsfylket» med satiré, kreativitet og mot! Dei baud på seg sjølv med det tekniske,teatralske og det komiske i ein god balanse. Lad Mannskor hadde ein gjennomgåande kvalitet med glimt i auge, framført med ein sjeldan publikumskontakt.

Henning & Oddvar. «Amore temporaria». (Tekst: Oddvar Vigdal – Melodi: Henning Lad) (Henning Lad – 16 år, Oddvar Vigdal – 17 år) Frå Luster.
Henning & Oddvar representerte noko annleis i programmet som gjekk over to dagar. Med akustisk piano og eigenskriven song på dialekt, vart vi introduserte til ein vakker ballade framført av Henning. Midtvegs i låta overraska Oddvar med ein energisk, uttrykksfull og uforventa rap pånynorsk. Han formidla med heile seg og sjølv om han var fysisk og hadde eit høgt verbalt tempo var balansen innad i duoen perfekt. Det var ein sårbar, modig og uredd framføring som også gav ei ny oppleving av hip hop sjangeren.

Håvard Endal Husevåg – «Stay With Me» (Bernhoft)
(Håvard Endal Husevåg – 14 år)
Nokre gongar vert ein berre teken med på ei reise i musikken, utan eigentleg å forstå kva som skjer. Håvard bergtok oss frå første tone. Det var eit ambisiøst låtvalg han tok, men han meistra det til det fulle. Han baud på seg sjølv musikalsk og det var noko vaksent og følsamt over heile framføringa.Håvard har ei rund og varm stemme som gav tydlege assosiasjonar til dei gamle heltane frå soultida sine gullår; ei gamal soulrøyst i ein ung kropp. I tillegg trakterar han piano godt og akkompagnerte seg sjølv balansert og verknadsfullt. Formidling er ikkje kun det visuelle – her kunne ein lene seg tilbake i stolen, lukke auga og berre nyte. Det var nesten forstyrrande å vite at han var så ung.. Vi gler oss til fortsetjinga og kanskje eigenkomponerte songar etterkvart. Anar vi ein «ny» Bernhoft?
Håvard – Stay with us!

Special Kids Unit - «Rust pt. 1: Obsession». (Tekst og Melodi: Special Kid Unit)
(Jørgen Haugland – 18 år, Mathias Degnepoll Øren – 18 år, Ola Tshabalala Ulltveit-Moe – 17 år, Vidar Seljen Melby – 19 år) Firda VGS.
Eit band som leverte mange ulike og spanande musikalske og visuelle uttrykk samla i éi pakke.Med karakteriske klesplagg, hårfrisyrer og røyrsler, vart vi sjølv før dei hadde byrja å spele,nysgjerrige på Special Kids Unit. Med sjølvtilliten deira og ein overlegen kontroll overga publikum seg til bandet sine hyppige sjangerbyte, og energiske framtoning. Dei var eit friskt innslag i programmet og også det einaste bandet med eit tydeleg eletronisk innspel, noko dei brukte selektivt og difor vart det svært effektfullt. Vi vart overraska gong på gong med aggresive, men likevel mjuke «brøl» frå hovudvokalist, melodiøst omslynga med reine og klare tonar frå bassist og gitarist.Special Kids Unit er eit karakteristisk band som held eit høgt teknisk og musikalsk nivå. Vi vonar dei fortset å komponere sin eigen musikk og turnere mykje!

Nora band ( Henrik Førde – 16 år, Mari Lindvik – 15 år, Nora Klungresæter – 15 år, Oliver Igland- 15 år, Vilde Nesbakk – 16 år
Nora band syner ei stor speleglede, musikalsk forståing og evne til samspel. Det var eit reint publikumsfrieri; og publikum svara ja utan tvil! Vilde hadde stålkontroll på stemma, bandet og publikum og framstod som ein moden og leiken frontfigur utan å overskugge dei andre bandmedlemmane. Bandet hadde eit stødig komp der samspelet mellom bass og trommer utmerka seg og sologitaristen løfta songen. Det var tydeleg at kvar enkelt av musikarane hadde eit høgt teknisk nivå samtidig som dei framstod som ein samla einheit. Vilde spelte også tverrfløyte med den største sjølvfølgje og skifta mellom vakker song og spel som om ho aldri hadde gjort noko anna før.Imponerande. Vi gler oss til å høyre noko eigenkomponert frå denne stødige gjengen!

Juryen har valgt ut desse 4 utstillarane frå UKM Fylkesfinalen i Sogn & Fjordane, 2013,som går vidare til landsmønstringa i Larvik.

Benas Gedvilas / " my Doors"
My doors som er eit kvardagsleg moment vart til noko meir enn eit lerret med imponerande illustrativ teknikk. kunstverket viser eit liv, ein sårbarheit og ikkje minst eit opprørsk skrik.

Jenny Hatlelid Holsæther / "Ingen sa livet var lett." Tru meg."
13år med ein utruleg ung alder overbeviste ho einstemmig juryen med sitt konsepsjonelle arbeid med tittelen "Ingen sa livet var lett."" Tru meg. ",eit todelt fotografisk arbeid formidlar det særeigne i eit i teenagerliv i dagens samfunn. Den unge jenta overraskar med eit svært konspesjonellt, gjennomtenkt og samfunnskritisk arbeid.

Natalje Nesje /" Sad little blue",13 år
"Sad little blue "er ein vakker utrykksfull menneske sculptur som tek i bruk midlar i formspråk . Og formidlar nettopp denne blå melankolske stemninga som kvardagen inneber av og til. overdrivne proporsjonar tydlegjer stemningen menneske befinn seg i ,men likevel tyder den lysblåe fargen på at det går over.

Johanne Nyborg og Lotte Bukve Kjødnes /"The three wise monkeys ", 19år, serie med 3 bilete som viser ei jente som visualiserer mizaen av "the three wise monkeys".Med God teknisk handverkskikk og valg av klassisk svart/kvit fotografi, formidlar fotografen eit sterk utrykk og nytolking av denne tematikken.den iscenesatte unge jenta i undertoy formidler ein sårbarhet som står på spill i dagens samfunn!