I det flotte vêret søndag hadde dei vore på Nonhaug, ein 886 meter høg fjelltopp ved Hafslo. På veg nedatt kom det ei gaupe mot dei, avstanden var mellom 10 og 20 meter, fortel Tomas.
- LES OGSÅ:
- LES OGSÅ:
- LES OGSÅ:
– Vi var komne ned til om lag 250 meters høgde, om lag ved riksveg 55 ved Galden. Då kom det plutseleg ei gaupe spaserande mot oss.
– Såg ikkje frisk ut
– Korleis reagerte de då?
– Det var litt spennande, men det var ikkje noko dramatikk i det. Ho kom imot oss, ho såg ikkje heilt frisk ut. Det kunne sjå ut som ho hadde skabb eller noko slikt.
Døtrene hans vart litt engstelege, sjølv var han ikkje redd der og då.
– Men i etterkant tenkte eg at det er jo eit rovdyr, og i og med at ho såg sjuk ut veit ein ikkje kva ho kunne finne på. Ho var så stor som ein nyfødd kalv.
Måtte hysje på gaupa
Tomas Kjørlaug måtte hysje på gaupa for å få ho til å fjerne seg. Då gjekk ho roleg nedover mot bustadfelta på Galden og Hestnes på Hafslo.
Etter turen tok han kontakt med rovviltkontakt Einar Fortun, som sa han ville ta seg ein tur i området og sjå etter gaupa.