Cupeventyret over for Florø

Med fire Brann-scoringar, var cupexiten langt på veg klar allereie ved pause.

I strålande vårvêr, framfor 3.000 tilskodarar, vart det til slutt 1-6-tap for det unge 3. divisjonsmannskapet til Terje Rognsø.

• SJÅ: Kampfakta frå Florø – Brann

– Begivenheitene tok oss litt i dag. Vi våga ikkje spele fotball. Når vi vågar å spele ball, så kan vi henge med dei fleste. I dag presterte vi ikkje bra. Diverre, seier Rognsø.

Ville ikkje ha scoring

Med ein snittalder på 18,5 år utklassa det unge FSK-laget Sogndal med 3-0 i første runde av cupen. Heime mot Brann vart dei nokre år for unge, og kilo for lette.

• SJÅ: Slik enda 2. runde av NM-cupen

Likevel, Aksel Knapstad kunne fort sendt heimelaget i føringa etter sju minutt. Diverre for FSK var det gjestenes Kristoffer Barmen som fekk æra av å sette inn kampens første mål minuttet seinare. Kim Ojo og Birkir Sævarsson sytte for firemålsleiing til gjestene ved pause.

• LES OGSÅ: Dagen den «blå kystbyen» blir raud

– Vi var nærme på fram til 0-2, difor var den tredje scoringa så irriterande. Det var ei feilaktig idømt scoring fordi det var hands. Brann-spelaren er faktisk borte og gir beskjed om det til dommaren, ei fantastisk ærleg sak av han. Men diverre høyrer ikkje dommaren etter, seier Rognsø.

Hadde trua

Florø yppa seg mot eliteserielaget frå Bergen, men med fire scoringar før pause var den i realiteten avgjort.

• LES OGSÅ: Scheie trur Florø kan bli oskeladd
• LES OGSÅ: Brann-kampen gir pengar i kassa

– Sjølv om vi fekk eit tidleg mål i mot, så følte eg ikkje at kampen var køyrt før Brann fekk den tredje scoringa. Eg tykkjer dei gjer ein god taktisk kamp, spelar over oss og nektar oss å kontre, seier Peter Aase. Ein av to Aase-tvillingar som i haust blir å finne i Sogndal-trøya.

Nøgd Skarsfjord

For eit Brann-lag i sportsleg motgang i eliteserien, var sigeren, og ikkje minst dei mange måla i Florø, svært kjærkomne.

• SJÅ: Bileta frå cupfesten

– Vi produserte 20 gode angrep i løpet av kampen, nokre med veldig høg klasse. Vi scora seks fine mål, så alt i alt var dette ein fin kamp, seier Brann-trenar Rune Skarsfjord og avviser at dei tok lett på oppgjeret i kystbyen.

(Artikkelen held fram under TV-saka)

• LES OGSÅ: – Eg er jo nøydd til å heia på Brann, det er jo klubben min

– Vi hadde veldig respekt for Florø. Dei slo tross alt ut Sogndal sist, og vi er opptekne av å gjere ting rett og spele på rette måten. Det t tykkjer eg spelarane gjorde og det fortener dei honnør for. Vi gjorde mykje bra, seier Brann-trenaren.

• LES OGSÅ: Cupfeber i Florø

Som etter kring timen kunne sett disiplane fått sitt første baklengsmål i kampen. FSK-spiss Simen Reksten Solheim vart lagt i bakken innanfor 16-meteren av målscorar Sævarsson.

Diverre for heimelaget var straffesparket frå Christer Husa for laus og straffeekspert Piotr Leciejewski fekk ein lett jobb å hindre nettsus.

Scoringa kom

Kvarteret før slutt fekk heimelaget ny straffe då Reksten Solheim på nytt gjekk i bakken framfor Brann-målet. Frå kritmerket omsette Stefan Aase straffa til mål.

Då hadde allereie innbyttar Bård Finne gjort Brann si femte scoring for kvelden. Minuttet før slutt fastsette Sævarsson sluttresultatet til 1-6 då han utnytta ein retur frå FSK-keeper Kvamme.

– Dette var veldig gøy, men dei spelte over oss. Vi var ikkje med frå starten, og slik vart det heile vegen, seier Peter Aase etter kampen.