Den svenske bussjåføren ankar Fardal-dommen

– Eg kan stadfeste at saka er anka, seier mannen sin advokat, Geir J. Kruge.

• LES OGSÅ: To bussar kolliderte front mot front
• LES OGSÅ: Fem månadar for aktlaust bildrap

Ankar alle sider ved saka

Ei kvinne frå Ålesund og ei taiwansk kvinne omkom i ulukka. Dei to sat i kvar sin buss.

Ulukka skjedde då ein svensk og ein norsk buss møttest. Den svenske bussen var på veg vestover på fylkesveg 55, medan den norske bussen var på veg frå Leikanger til Sogndal. Begge førarane vart sikta etter ulukka 12. august i fjor, men berre den svenske føraren vart tiltalt og måtte svare for aktlaust bildrap i Sogn tingrett.

• LES OGSÅ: Mor stelte sjølv si omkomne jente (24)
• LES OGSÅ: Tiltalt for aktlaust drap
• LES OGSÅ: Nekta straffskuld då rettssaka starta

Rekonstruksjonar som vart lagt fram i retten viste at det er passering på staden der ulukka skjedde. For retten vart det sentrale spørsmålet å ta stilling til kvar dei to bussane var i vegbana då dei støytte saman.

Retten kom til at den svenske bussen låg for langt mot midten, og at det var årsaka til ulukka. Han vart dømd til fem månadar fengsel.

No ankar altså den svenske bussjåføren dommen, men advokat Kruge vil ikkje fortelje kvifor han ankar.

– Det er inne ei anke over alle sider ved saka frå tiltalte si side, det er alt eg kan seie no, fortel han.

• LES OGSÅ: Aktor er overtydd om at den svenske sjåføren er skuldig
  
• LES OGSÅ: Meiner media førehandsdømte han frå første dag
  
• LES OGSÅ: Krev ni månadar fengsel for bussjåføren
  

Tar anken til etterretning

Aktor i saka mot den svenske bussjåføren, Anette Stegegjerdet Norberg, tar anken til etterretning, men vil ikkje uttale seg om den vidare gangen i saka.

– Vi må vente på å sjå kva statsadvokaten vel å gjere med saka vidare, seier Nordberg.