Brear på historisk lågmål

Unormalt mykje snø i fjor og normal snøsmelting til trass, Briksdalsbreen og Kjendalsbreen er på historisk lågmål.

Isbre
Foto: NRK

Faktisk har ikkje breane vore så langt attende sidan etter den Vesle Istida som varte fram til år 1750.

Historisk små

Briksdalsbreen har gått attende 58 meter det siste året. Brefronten er no heilt ute av Briksdalsvatnet. Kjendalsbreen har derimot trekt seg attende heile 182 meter. Det er den største tilbakegangen i løpet av eitt år sidan 1940-talet.

Til saman har desse to breane trekt seg attende om lag 500 meter sidan 1999.

Ein vart større

Tilbakegangen er likevel mindre enn i fjor kring Jostedalsbreen, men derimot større i Hordaland og Nord-Noreg. Målingar av brefrontane viser at 24 av 28 målte brear held fram med å trekke seg attende.

I Jotunheimen har breane vore om lag i balanse, medan Engabreen på Svartisen er den einaste som har gått noko fram sidan hausten 2006. Skal tilbakegangen av brefrontane stoppe må breane legge på seg i fleire år framover.

14 aksjonistar vart arresterte etter å ha lenka seg fast for å hindre gruveselskapet Nordic Mining i å drive prøveboring i Engebøfjellet i Naustdal.
I nesten fire timar var det mørkt på aluminiumsverket i Årdal fredag.
I Sogn skal me sjå at flyktningar får ein unik sjanse til å koma raskt ut i fast jobb. Yrker som treng arbeidskraft samarbeider med mellom andre NAV for å få nye landsmenn ut i arbeidslivet.