Tidleg i april varsla halvparten av vaktstyrken at dei ikkje ville bli med vidare, i protest mot ei ny vaktordning.
Etter at den nye ordninga blei sett på vent, har sjefen i Sogn brann og redning, Johnny Skjerping, tru på eit fulltalig brannkorps i Vik i nær framtid. I søknadsbunken håpar han å finna dei tre siste konstablane slik at det igjen er 16 mann i brannkorpset i Vik.
– Vi har fått på plass att mannskapet som vart oppsagt, i tillegg har vi nokre nye namn på blokka.
– Uakseptabel helgeberedskap
Men for ein månad sidan såg det mørkare ut. Halvparten av brannkonstablane nekta å vera med vidare i ei ny og omstridd vaktordning. Dette var ein protest mot det dei meinte ville bli ein uakseptabel helgeberedskap.
- LES OGSÅ:
- LES OGSÅ:
- LES OGSÅ:
Protesten førte fram, og nyordninga blei sett på vent. At flesteparten av brannfolka no blir med vidare, er ordførar i Vik, Marta Finden Halset, glad for.
– Eg tykkjer det er flott at dei har valt å halde fram.
– Treng vi ny utgreiing?
Til hausten skal politikarane i Vik sjå på saka på nytt. Tillitsvald for brannkonstablane, Arne Ovrid, stiller spørsmål ved om det trengst ei ny utgreiing når kommunen allereie har ein grundig risiko- og sårbarheitsanalyse på bordet, som seier at beredskapen bør vera som i dag.
– Viss vi kan unngå å bruke pengar på det må det berre vere positivt.
Men brannsjef Johnny Skjerping meiner det er behov for å sjå på risikoanalysen med friske augo, og han meiner det berre kjem til å koste småpengar.