– Folk får følgje med, og melde inn til oss om dei ser noko som kan vere mistenkjeleg, men vi vil ikkje gå ut med noko åtvaring, seier operasjonsleiar Kjetil Drange ved Politiets operasjonssentral.
Natt til laurdag brann tre bilar på Hornnes. Natt til søndag vart fire bilar totalskadde på Skaratunet, medan fleire andre bilar også fekk skader. Kva som starta brannane er førebels uklart.
- LES OGSÅ:
- LES OGSÅ:
Brannsjef i Førde, Bernhard Øberg sa til NRK.no tidlegare i dag at han ikkje har opplevd liknande.
– Det er vanskeleg å spekulere i brannårsak. Men ein kan jo tenke sitt.
– Kan ikkje vere hysterisk
Sissel Karin Hals, som er ein av naboane til der det byrja å brenne natt til søndag, seier ho ikkje kjem til å sitte oppe i natt.
– Eg har henta verdisaker som førarkortet, datamaskina og slikt ut av bilen. Elles vil eg ikkje gjere noko spesielt, seier ho.
- LES OGSÅ:
- LES OGSÅ:
Ho seier det er utriveleg med det som hende, og ein kan lure på om det var tilfeldig eller ikkje.
– Dersom det er nokon som har tent på, så trur eg ikkje dei kjem tilbake hit.
Kjetil Drange i politiet opplyser at dei ikkje vil kommentere nærare om brannårsaka. Dei har fått inn tips, og har søndag kveld sjekka ut fleire av tipsa, men han vil ikkje gå nærare inn på kva tips det dreiar seg om.
Alarmsentralen har vanleg beredskap gjennom natta.