«Ampere» er den første batteridrivne ferja i verda, og det må ein del testing og tilpassing til før den kan settast i ordinær drift, seier administrerande direktør Ivan Fossan i Norled.
– No skal vi bruke januar månad til ei god og sikker innfasing slik at vi får dette utstyret til å samsnakke på ein god måte. Det er ingen som har gjort dette før i verda, difor er det litt krevjande å seie det meir eksakt enn i løpet av januar.
LOVAR AUKA KAPASITET: Adm. dir. Ivan Fossan i Norled.
Foto: Ole Andreas Bø / NRK- Les også:
- Les også:
Likevel auka kapasitet
Det er montert ladestasjonar i Lavik og på Oppedal, og ferja skal kome til Sognefjorden første veka i 2015. Men det vil gå litt tid med testing av utstyret både på land og om bord i ferja.
Norled overtek drifta av ferjesambandet Lavik-Oppedal frå årsskiftet etter at Fjord1 og tidlegare Fylkesbaatane har hatt ansvaret sidan sambandet over fjorden vart opna i 1955, då mellom Lavik og Instefjord.
- Les også:
Men Ivan Fossan presiserer at sjølv om «Ampere» ikkje kjem i drift som planlagt, så vil det likevel bli ein auke i kapasiteten på ferjesambandet frå årsskiftet sjølv om det berre blir to ferjer i drift.
– Vi er blitt samde med oppdragsgjevar (Statens vegvesen) om å forsterke kapasiteten frå nyttår, slik at den blir auka med 40 prosent. Vi får auka frekvens, det vil seie at ferjene går hyppigare enn i dag.
Og på fredagar og søndagar vil Norled sette inn ekstra kapasitet for å ta unna eventuelle trafikktoppar.