Dei må nesten bruke snorkel for å pløye seg gjennom snøen, medan dei jobbar knallhardt for å grave fram ei av hovudfartsårene mellom Sogn og Fjordane og Hordaland.
– Det er tidkrevjande, for vi snakkar om millionvis av kubikk med snø. Maskinene blir små i forhold til oppgåva. Dei blir vekke, seier Sigmund Stadheim, vegmeister i Mesta.
Det har aldri falle så mykje snø på så kort tid på Vikafjellet. Brøytemannskapa har i fleire dagar kjempa i skift heile døgnet, for å gjere vegen klar, og no nærmar dei seg.
Sjå dei enorme snømengdene i videoen øvst i saka!