Alexela Sløvåg tapte i fjor 50 millionar kroner på drifta av oljeterminalen i Sløvåg i Gulen. Dermed er det samla tapet sidan 2007 på 400 millionar kroner.
– Sjølv om eigaren vår har vore ekstremt tolmodig i forhold til å dekke opp underskot sidan 2007, kan vi ikkje fortsette slik. Det seier dagleg leiar, Lars Narverud, i Alexela Sløvåg.
Samtidig viser Narverud til at anlegget har vore i full drift sidan januar i år, og at årsresultatet for 2014 vil bli langt betre enn åra før. Underskotet var dobbelt så stort i 2012 samanlikna med i fjor.
– Det går rette vegen, seier han.
- LES OGSÅ:
- LES OGSÅ:
Estiske eigarar
Eit oljeselskap leiger no terminalen, men det er usikkert om leigeavtalen blir forlenga. Narverud vedgår at framtida er usikker og at selskapet snart må byrje å tene pengar.
– Vi kan ikkje fortsette med underskot.
Oljeterminalen Alexela Sløvåg er eigd av eit estisk selskap. Dagen etter at esterane kjøpte selskapet i mai 2007, gjekk to av oljetankane i løfta i ein veldig eksplosjon. Oppryddingsarbeidet har vore langvarig og svært kostbart.
- LES OGSÅ:
- LES OGSÅ:
Medrekna eit underskot på 50 millionar i fjor, er det samla tapet sidan 2007 på 400 millionar kroner.
– Det var vesentleg større problem her enn vi antok og det har vore ei rekkje rettsprosessar både, sivile og strafferettslege, som framleis ikkje er avslutta.
Uvisse rundt utviding
Først i 2012 fekk Alexela dei naudsynte løyva til vidare drift av selskapet, men då var marknadssituasjonen så vanskeleg at ingen ville nytte dei enorme oljetankane i Sløvåg.
Først i januar i år vart oljetankane tekne i bruk gjennom utleige til eit eksternt oljeselskap, men no er det igjen uvisse fordi det uklart om selskapet vil leige oljeterminalen vidare.
- LES OGSÅ:
Alexela lanserte tidlegare i år planar om omfattande utviding av oljeterminalen, men om dette blir noko av er no usikkert, vedgår Narverud.
– Det er store svingingar i oljemarknaden og oljeprisen fell, så det er ikkje lett å få det på plass. Men vi har komme langt i arbeidet og har stor tru på at vi kan lukkast med det. I alle fall i løpet av 2015.
Alexela har fått på plass fleire nye tankar ved anlegget i Sløvåg, og alle investeringane er er tekne over drifta. Det betyr mellom anna at Alexela Sløvåg ikkje har gjeld til andre enn morselskapet.