«Dagmar»-tapa vil ingen ende ta

Særleg har dei ekstraordinære utgiftene på vegnettet gått utover økonomien.

No går fylkeskommunen truleg også glipp av over 20 millionar kroner i kraftinntekter som følgje av SFE sine store utgifter i samband med «Dagmar».

– Vi får no håpe at vi ikkje får ei «Dagmar» på besøk kvart år, vedgår fylkesordførar Åshild Kjelsnes (Ap).

– Alvorleg

Uveret i romjula gjorde store skader. Berre på vegnettet gjorde «Dagmar» skade for over 100 millionar kroner .

• SJÅ: Bileta frå herjingane til «Dagmar»
• LES OGSÅ: Sjå lista over kvar uveret Dagmar gjorde mest skade på vegane

– Vi hadde også betydelege utfordringar i 2010, så det er klart at det er alvorleg for både eitkvart fylket og kvar og ein kommune som kjem opp i slike situasjonar, seier Kjelsnes.

Misser halve utbytet

Kraftselskapa i fylket må ut med nær 130 millionar kroner etter uveret . I fjor betalte SFE ut 90 millionar kroner til eigarane, der fylket, som er største eigar, stakk av med nær halvparten.

• LES OGSÅ: Vil byggje opp att bortvaska veg
• LES OGSÅ: Treng 30 millionar kroner ekstra til rydding etter «Dagmar»

I år blir utbytet berre 40 millionar kroner til eigarane, etter eit overskot på svake 10 millionar kroner for kraftselskapet.

Kjelsnes meiner det er naudsynt med ein debatt om korleis fylke skal makte utgifter etter naturhendingar som «Dagmar».

– Dette tok eg mellom anna opp på Regjeringa si kontaktkonferanse i førre veke, at kommunar og fylkeskommunar må settast i betre stand for å takle eit klima i endringa, seier Kjelsnes.

Vil ikkje merke

Likevel, Kjelsnes seier innbyggjarane i trivselsfylket truleg vil merke lite til det manglande utbytet frå SFE.

– Vi har etablert eit bufferfond for å handtere svingingar som vil vere i eit utbyte, seier ho.