– Springsteen var fenomenal

– No har me nett reist frå Kleppestø utanfor Askøy. Mellom 14 og 16 nautiske mil er etappen i dag (tysdag, red. anm.), seier Stølen.

• LES OGSÅ: Ror til Springsteen-konsert

Var verdt det

Ho og ektemannen slapp unna ferjekaoset som råda på E39 Lavik-Oppedal både søndag og måndag. Dei tok nemleg sjøvegen til Bergen. I robåt.

• LES OGSÅ: Springsteen-fest på tross av regnet

Og den ivrige dama seier det var verdt det.

– Me nådde konserten og låg perfekt fortøydd inne i Vågen. Me låg mellom alle båtane dei store båtane, me vart invitert om bord og me hadde det som plomma i egget, seier ho.

Men turen sitt høgdepunkt var utan tvil sjølve konserten.

• LES OGSÅ: Masseutfart til Springsteen-konsert

– Heilt fenomenal

– Konserten var heilt fenomenal. Me trudde me fekk sjå han i ein time eller noko slikt, men han gav full gass og han spelte vel i over tre timar! Orsak, Malakoff, men Springsteen er den kjekkaste konserten eg har vore på!

Dei starta fredag for ei og ei halv veke sidan frå Lefdal i Nordfjord, og tok den siste sjarmøretappen inn til Bergen måndag.

– Me pleia blemmene i to dagar før me tok den siste etappen, og på konserten tenkte eg ikkje på dei eitt einaste sekund! So fenomenalt moro var det på konserten!

– Men kor lenge skal dykk halda på med denne roinga?

– Me er ikkje pensjonistar enno, men kanskje når me blir det, smiler ho.

Vil gjera det fleire gonger

Ho håpar Springsteen kjem att snart, for då er ho klar på kva dei skal gjera.

– Då trur eg at me ror til den også.

No skal dei ro opp att til Nordfjord, men dei har berre tre dagar før dei må vera heime att, so det kan vera dei må juksa litt på heimvegen.

Det er mogleg at me låner med oss ein liten påhengsmotor med fire hestekrefter.

I kveld spelar Springsteen konsert nummer to i Bergen.