Det var ordførar og varaordførar i Larvik som fredag i Østlandsposten oppmoda landets ordførarar til å gje ei dagslønn til ein humanitær organisasjon som hjelper flyktningar frå Syria.
Eid-ordførar Alfred Bjørlo tar utfordringa, saman med varaordførar Gunnvald Ludvigsen i kommunen.
– Vi ønskjer samstundes å gje utfordringa til andre ordførarar i fylket, seier Bjørlo.
- Les også:
Organisasjonane ber om pengar
Han seier det blir gjort mange gode initiativ frå private til å hjelpe flyktningane frå Syria, med fleire ulike innsamlingar av klede og kosedyr.
– Meldingane frå hjelpeorganisasjonane er tydelege – det dei treng no er pengar. Så vi vil rett og slett vere med på å reise pengehjelp som er den aller viktigast dugnaden no.
- Les også:
Han håpar også at private, og innbyggjarar i kommunane og næringslivet ser behovet for å hjelpe flyktningane. Han seier det ikkje er viktig kva organisasjon som får pengane, men at det blir gitt pengar.
Oppmodar alle til å gje pengar
– Ei dagsgodtgjering for min del er rundt 2000 kroner.
For ordføraren og venstremannen er det ikkje meininga å gjere dette til ei valkampsak.
– Dette er ikkje eit valkamputspel for å vinne gunst. Dette er folk som treng hjelp. No. Vi kunne venta ei veke, men det hastar og dei treng hjelp no.
- Les også:
Bjørlo kjem til å kontakte dei andre ordførarane i Sogn og Fjordane for å oppmode dei om å gje ei dagsgodtgjering. Så håpar han andre fylke kastar seg på oppmodinga som kom frå Larvik.
– Vi må hjelpe til, rett og slett, seier Bjørlo.