I dag har ei rekkje aktørar vore samla for å oppsummere erfaringane etter årets sesong.
– Me ser at med dei nye skilta og sperringane, og med betre tilsyn, så er det færre som bevegar seg inn i dei farlege områda framfor breen. Men diverre er det framleis ikkje alle som greier å halda seg på den rette sida, seier naturforvaltar i Luster kommune, Inger Moe.
- Les også:
- Les også:
Slår seg ikkje til ro enno
– Dei som kryssar sperringane no, trur eg veit at det er farleg. Dei er det vanskeleg å gjera noko med, seier Moe.
- Les også:
Til neste år vil dei difor berre gjere mindre justeringar, mellom anna vil det kome opp med nye informasjonstavler. Likevel seier dei seg ikkje nøgde enno.
– Me må heile tida vurdera oss sjølve og ikkje slå oss til ro med det me har oppnådd, seier Moe.
Styrkar beredskapen ved ulukke
I tillegg til å oppsummere tryggleikstiltaka, har det også blitt utarbeidd ein strategi som skal styrke beredskapen dersom det skulle skje ei ny ulukke.
– Det er framleis dei vanlege naudetatane som skal handtere ei eventuell ulukke på vanleg måte, men både turistaktørane og kommunen har no fått ei klarere formulering på rollene dei skal ha viss det skjer noko, seier Moe.
Nigardsbreen opplever stadig aukande besøkstal. Dermed aukar òg utfordringane med å halde styr på alle dei som vil ta breen i nærare augesyn.
– Dei andre breane, som har vore turistattraksjonar, har byrja å skrumpe inn og bli mindre tilgjengelege. Men Nigardsbreen held stand. Så dei som vil oppleve ein bre blir i større grad slusa hit. I åra framover forventar vi at det skal berre auke på med folk, seier Moe.