Det fortalde lærdalsordførar Jan Geir solheim under beredskapskonferansen i Loen tysdag.
Natt til 19 januar i år blei Lærdalssamfunnet råka av den verste brannkatastrofen i fredstid i Norge. 40 bygningar brann ned og 71 personar miste heimane sine.
Solheim meiner det har gått over all forventning sjølv om det har vore ei krevjande oppgåve for kommunen å skulle behandle så mange byggesaker.
- LES OGSÅ:
- LES OGSÅ:
– Det er framleis slik at ingen av dei som miste husa sine i brannen, har kunne flytte inn i nytt hus.
Bur i nabokommunen
Ordføraren fortel at mange av dei som miste husa sine i brannen, inn til vidare leiger andre stader i kommunen eller i nabokommune Årdal.
- LES OGSÅ:
– Enkelte kjem nok heller ikkje til å flytte attende til sentrum. Vi ser at to tomter er lyste ut for sal.
Ni hus under bygging
Solheim rosar dei som miste husa sine for korleis dei har takla situasjonen. For han som ordførar er det ei stor lette å sjå at frå branntomtene på Lærdalsyri er det no i ferd med å reise seg ni hus.
– Det er ei sann glede å sjå at det no kjem opp stadig fleire hus, målet er jo at flest mogleg av dei som miste husa sine skal kunne flytte inn i nye hus til jul.