Hopp til innhold

Krasja med 2,90 i promille i Førde sentrum

Ein mann i 50-åra køyrde bil midt i Førde sentrum med 2,90 i promille. Turen enda med eit trafikkuhell.

Fjordane tingrett

KØYRDE BIL I RUSA TILSTAND: Ein mann i 50 -ra må sone 40 dagar i fengsel for å ha køyrt bil i rusa tilstand midt i Førde sentrum.

Foto: Tone Lin Støfring Skovro / NRK

I desember i fjor køyrde mannen gjennom Førde sentrum og krasja. Blodprøve som vart teken av mannen ein halvtime etter ulukka viste at han hadde ein promille på 2,90.

Mannen frå Sunnfjord er i Fjordane tingrett dømd til 40 dagar fengsel for å ha køyrt bil i rusa tilstand i Førde sentrum.

I tingretten vedgjekk mannen forholdet.

Fullføring av straffa blir utsett med ei prøvetid på to år, på vilkår at mannen gjennomfører program mot ruspåverka køyring. Han er også frådømt retten til å køyre bil i to år og seks månadar, og han må betale 25.000 kroner i bot.