I alt går regjeringa inn for å gje 80 millionar kroner til utbetring av riksvegane etter uvêret i romjula, og Sogn og Fjordane får altså 27 av desse millionane. Den same summen får Hordaland, medan Møre og Romsdal må nøye seg med sju millionar.
Øydeleggingar for 144,5 mill kr.
Vinden og regnet under Dagmar gjorde stor skade på vegane i Sogn og Fjordane. I alt rekna Statens Vegvesen ut at utbetringa ville koste 144,5 millionar kroner. Av dette gjeld 26,6 millionar riksvegar og resten fylkesvegar.
Når regjeringa no gjer framlegg om 27 millionar kroner til utbetring av riksvegane så er det i samsvar med det vegvesenet meiner dei treng til desse vegane.
- LES OGSÅ:
- LES OGSÅ:
(Artikkelen held fram under biletet).
-HELD LOVNADEN: Statsråd Magnhild Meltveit Kleppa (Sp).
Foto: Oddleif Løseth / NRK– Følgjer opp lovnader
Revidert nasjonalbudsjett blir lagt fram i dag. Regjeringa gjer framlegg om i alt 320 millionar kroner til utbetringar og sikringstiltak etter ras, flaum og brann på riksveg- og jernbanenettet.
NØGD: Avdelingsdirektør Nils Magne Slinde.
Foto: Erlend Blaalid Oldeide / NRK– Slik følgjer vi opp våre lovnader om å dekke ekstrakostnader etter uvêr og brann, utan at det går ut over andre prosjekt, seier samferdselsminister Magnhild Meltveit Kleppa.
Avdelingsdirektør Nils Magne Slinde i Statens vegvesen er nøgd med løyvinga.
– Det er positivt at vi har fått gjennomslag for å få dekt det som må gjerast.
Ein del av utbetringane er alt gjennomførde, og vegvesenet har som mål å få gjort alt innan utgangen av året.
