– Vi oppmodar alle bedrifter som er godkjende lærebedrifter til å ta inn ein lærling, eller kanskje ta inn ein eller to ekstra, seier fylkesdirektør for opplæring, Bekka Skaasheim, i ei pressemelding.
Ungdommane er avhengige læreplassar for å få fullført fagutdanninga si. Og bedrifter kan sikre seg kvalifisert arbeidskraft for framtida.
– For den einskilde ungdommen er det lite tilfredsstillande å gå i uvisse om dei får seg lærekontrakt eller ikkje. All statistikk for gjennomføring i vidaregåande opplæring viser at fråfallet er størst i overgangen frå skule til opplæring i bedrift.
Innanfor desse bransjane står flest ungdommar utan tilbod om læreplass per i dag:
- Anleggsbransjen (10)
- Bilbransjen (14)
- Elektrobransjen (19)
- Barne- og ungdomsarbeidar (13)
- Helsearbeidar (10)
- Industrifag (24)
- Maritime fag (19)
- Tømrar (14)
- Røyrleggjar (8)
- Salsfaget (9)