– Vi har fått melding om at ein gut er påkøyrd ved Flatene skule, opplyser politiet til NRK.
Kollisjonen skjedde ifølgje politiet i eit kryss. Ein bil og ein sykkel var involvert. Politi og ambulanse vart sendt til staden. Guten skal ikkje vere alvorleg skadd.
– Han er sendt til sjukehus for kontroll, seier operasjonsleiar ved Sogn og Fjordane politidistrikt, Inge Værøy.
AMK ved Førde sentralsjukehus opplyser måndag kveld at 12-åringen er lettare skadd og på avdeling for observasjon.