Gjeldskrisa kan ramme Norge

Sendt: 01. jan 2012

Den økonomiske krisa i EU fekk alvorlege konsekvensar for folk flest i mange medlemsland i åra 2010, 2011 og 2012. Arbeidsløysa gjekk opp, og levestandarden sank for millionar av menneske over heile Europa.

Statar måtte ta opp dyre lån, rentene auka kraftig, og dei offentlege budsjetta krympa slik at utdanning, pensjon og andre sosiale gode fekk mindre enn før.

Norge slapp svært lett frå krisa i desse åra, takka vere ein økonomisk velberga stat utan gjeld til utlandet, og med rikeleg sparekapital i Oljefondet (Statens pensjonsfond).

Likevel har Norge ingen garanti for evig velstand. Norge er eit lite land som er meir avhengig av den internasjonale økonomien enn mange andre. Derfor kan problema ramme her også.