Kråkenes fyr i storm. Foto: Merete Husmo Høidal, NRK.
Kråkenes fyr
på vestlegaste punktet på Vågsøya. Dramatisk og særeigen natur mot Stadhavet. Fyrbygningane vert no brukte som vertshus. Andre fyr som kan vitjast til fots, er Hendanes fyr ved Torskangerpoll og Skongsneset fyr på nordsida av Vågsøy. (Sjå òg Fyr i Vågsøy.)
Kannesteinen. Foto: Øystein Torheim.
Kannesteinen
– særmerkt steinformasjon i fjæra ved Oppedal. Skura ut av havbåra slik at den ser ut som ein sopp eller ei «kanne».
Krigsminnesmerke
etter 2. verdskrig i Måløy: Monumentet over kaptein Martin Linge der han fall under Måløy-raidet 1941, og på Moldøen minnesmerke over Måløyraidet i nærleiken av gamle tyske kanonstillingar. Minnemerke over falne i 2. verdskrig på Torget.
Handelsstaden Vågsberget
Den gamle handelsstaden Vågsberget i Vågsvåg.
Refviksanden
i Nord-Vågsøy skal vere Noregs største og finaste badestrand.
Refviksanden. Foto: Stig Silden
