Holmedal Songlag i 1911.
Nordfjord Songarlag
vart skipa i 1919 av lærar og kyrkjesongar Lars Glomnes frå Stryn. Laget talde i mellomkrigstida 20 kor med til saman kring 500 songarar.
Byrkjelo Mannskor i 1960.
Sunnfjord Songarsamband
vart skipa i 1923 og har kora i Sunnfjord som medlemer.
Kristoffer Alme frå Hafslo skreiv og tonesette i mellomkrigstida ”Sognasongen”, som har vorte mykje nytta ved songarstemne i Sogn. Dette er faksimile av dei seks første versa, attgjeve frå ”Jol i Sogn” 2008.
Sogn Songarlag
Det første store songarstemnet i Sogn vart halde i Høyanger i 1925 med Høyanger Sangforenings som tilskipar. Året etter, i 1926, vart Sogn Songarlag skipa.
Dei tre regionale songarlaga i fylket har sidan 1990 gjeve ut medlemsbladet ”Koristen”.
Symfoniorkester
Fleire stader i Sogn og Fjordane vart det tidleg på 1900-talet skipa kammermusikkgrupper og små orkester som spela klassisk musikk.
Sogn og Fjordane Storband
vart skipa i 1974 i samband med fjernsynsprogrammet «Etter fjøstid». Sverre Volle var dirigent for storbandet. Bandet vart oppløyst på 1980-talet.
Brass- og janitsjarmusikk
Nordfjord Ungdomskrops (NUK) vart skipa i 1986.
Sogn og Fjordane Folkemusikklag
vart skipa på eit møte i Askvoll i 1981.
Opera Nordfjord
- sjå Opera Nordfjord under Eid kommune
Distriktsmusikarar
I 1987 vart kom det løyvingar på statsbudsjettet til skiping av distriktsmusikargrupper. Ordninga i Sogn og Fjordane vart organisert i samarbeid mellom Rikskonsertane, fylkeskommunen og einskildkommunar: På fire stader i fylket, Sogndal, Høyanger og Gloppen vart det skipa grupper i 1987, og Førde kom etter i 1988. I kvar gruppe er det fire profesjonelle musikarar som skal dele tida si mellom utøvande verksemd og instruksjon. Høyanger trekte seg ut av ordninga i 2004, medan Førde planlegg å utvide si gruppe.
