Lag for fjordingar og sogningar i Amerika

Frå Sogn og Fjordane

Gå til: navigering, søk

Nordfjordlaget i Amerika

vart skipa i St. Paul, Minnesota, i 1909 av presten Rasmus Jonsson Meland. Det første lokallaget for nordfjordingar vart skipa i Wisconsin alt i 1885. I 1989 skipa ekteparet Arvalene og Jakob Vedvik eit lokalt nordfjordlag i Wisconsin.

Sognalaget i Amerika

vart skipa i Albert Lea i Wisconsin i 1908. Det vart også skipa eit Sognalag i Tacoma i 1912, men dette var truleg eit regionalt lag på vestkysten.

Sognefjord Lag

vart skipa i Madison i Wisconsin i 1979 og har medlemene sine i hovudsak frå Midtvesten. Dette laget har skipa til fleire kulturreiser til Sogn. Dette laget har samarbeidd mykje med ”Vestlandslag”, skipa i Iowa i 1973.

Sunnfjordlaget i Amerika

vart skipa i Minneapolis i 1912. I åra frå 1913 til 1916 gav laget ut lagsskriftet ”Sunnfjordssoga”. Den første sunnfjordingen som reiste til Amerika, var truleg Gjert Gregoriussen Hovland (1794-1870) frå Askvoll som emigrerte i 1831. – Les meir om han under Askvoll kommune. Ludvig Olsson Skudalsnes f. 1810 i Indre Holmedal prestegjeld drog saman med 83 andre med barken ”Ægir” frå Bergen i 1837.

Etter oppteikningar gjort i 1985 av Leiv H. Dvergsdal, reiste det vel 1785 sunnfjordingar til Amerika i åra fram til 1885. Ei av dei største gruppene var 82 jølstringar som reiste i 1864 under leiing av Bendik Hegrenes, og to år seinare drog 90 personar leia av Ole Andersson Stubhaug (1821-1915) med skipet ”Adler” – dei fleste frå Førde og Naustdal.