Fortun kyrkje

Fortun kyrkje. Foto: Merete Husmo Høidal, NRK.

Fortun kyrkje. Foto: Merete Husmo Høidal, NRK.

Fortun kyrkje bygt 1879. Arkitekt E. Rusten, byggmeister er ukjent. Altartavle frå 1879 er eit glasmåleri, truleg frå Tyskland.

Gamal altartavle frå kring 1630 heng på sideveggen i koret. To kyrkjeklokker er frå 1200-talet. Anna utstyr er frå byggjeåret eller seinare.

Noregs eldste relikvieskrin frå Fortun

I Bergen Museum finst eit relikvieskrin i forgylt kopar og brun emalje frå 1220-1250. Fortun-skrinet er 31 cm. langt, 13 cm. breidt og 330 cm. høg, og er det eldste bevarte relikvieskrinet i Noreg. På langsida av skrinet er alfabetet rissa inn under ei biletrekkje av apostlane, og foten er laga som arkaderekkjer (boge/søylerekkjer). Skrinet har likskapstrekk med Sunniva-skrinet frå Selje kloster.

Landets eldste relikvieskrin kjem frå Fortun stavkyrkje og er å finne på Bergen Museum. Foto: Arild Nybø, NRK.

Landets eldste relikvieskrin kjem frå Fortun stavkyrkje og er å finne på Bergen Museum. Foto: Arild Nybø, NRK.

Fortun stavkyrkje til Fantoft

Fram til nyekyrkja vart bygd i 1883 sto det ein gamal stavkyrkje i Fortun, bygt 1160-1180. Konsul F. G. Gade nytta mange av dei gamle bygningsdelane då han sette opp ein kopi av ei stavkyrkje på Fantoft ved Bergen.