Sogn og Fjordane fylke har tre byar, Måløy, Florø og Førde. Hermansverk er administrasjonsstad for fylkeskommunen. Bruk menyen til høgre for meir informasjon om kommunane.
Sogn og Fjordane omfattar dei gamle fogderia Nordfjord, Sunnfjord og Sogn, og ligg mellom Hordaland i sør, Buskerud i søraust, Oppland i aust og Møre og Romsdal i nord.
Fjordar skjer inn i fylket fleire stadar, og lengste fjord i Norge, Sognefjorden, ligg i fylket. Her er og Jostedalsbreen på heile 487 km² som er største isbreen på det europeiske fastlandet. Ytst mot havet er Noregs vestlegaste by, Florø.
Store Skagastølstind er med sine 2405 m.o.h. det høgste punktet i Sogn og Fjordane. Foto: Jostein Nyfløtt, NRK.
Korte faktaopplysningar for Sogn og Fjordane fylke:
- Folketal: 107.742 (pr. 1.1.2011)
- Areal: 18.620 km²
- Høgste fjell: Store Skagastølstind i Årdal/Luster/Jotunheimen, 2405 m.o.h.
- Fjelltoppar over 2000 meter i Sogn og Fj : I Sogn og Fjordane finst i alt 55 fjelltoppar over 2000 meter.
- Djupaste fjord: Sognefjorden 1308 m djup utanfor Vadheimsfjorden
- Djupaste vatn: Hornindalsvatnet 514 m djupt. Europas djupaste innsjø.
- Hovudadministrasjon for fylkeskommunen: Fylkeshuset, Hermansverk
- Fylkesordførar: Åshild Kjelsnes, Arbeidarpartiet
- Administrasjonsstad for fylkesmannen: Leikanger
- Fylkesmann: Anne Karin Hamre
- Eidsvollsmenn og stortingsrepresentantar:
- Stortingspresentantar frå 1814 til i dag finn du lista opp under «Kjende personar» i kvar representant sin heimstadkommune.
- Lengste fjord:
Skjolden ligg i enden av Lustrafjorden, og herifrå har Sognefjorden sin lengste avstand ut til havet - ei strekning på 204 kilometer.
- Vestlegaste punkt:
Utvær i Solund kommune er Noregs vestlegaste bebudde øy.
Utvær, det vestlegaste punktet i fylket. Foto: Merete Husmo Høidal, NRK.
