Den trondhjemske Postvei i Jølster

Frå Sogn og Fjordane

Gå til: navigering, søk


Den trondhjemske Postvei vart opna i 1785. Den gjekk frå Leirvik i Sogn via Dale-Bygstad-Førde-Moskog- Vassenden i Jølster.

Frå Vassenden til Skei var det båtskyss fram til 1822. Då vart vegen sørfrå bygd frå Vassenden til Ålhus, og båtferda vart nedkorta til Ålhus-Skei. I begge endar av Jølstravatnet var det gjestgiveri frå tidleg 1700-tal. Frå Skei gjekk postvegen til Førde ved Breimsvatnet. Her var det også eit gjestgiveri, og frå ca. 1872 eit hotell - «Skjorta». Frå Førde var det båtskyss til Rebakken på nordsida av vatnet. Ruta vart avløyst av Våtedals-vegen i 1889.

I Jølster var det skysstasjonar i Førde ved Breimsvatnet, på Skei og på Vassenden, frå 1822 også på Ålhus, seinare også i Årdal. Skysstasjonanane skulle m.a. skaffe rorskarar for skyssing med robåt på Jølstravatnet.

Vegsabotøren på Sårheim

Då postvegen vart bygd gjennom Jølster, fekk prosjektet ein beisk motstandar i Knut Crispinussen Saarheim. Han fekk nyevegen tvers gjennom åkeren. Då anlegget nådde inn på eigedomen til Saarheim, nytta han nettene til å grave att det som anleggsfolka hadde grave opp om dagen. Til slutt vart den lokale vegmeisteren så arg over dette at han truga Saarheim med at det kunne gå like ille med han som med ein «vegoppviglar» i Lærdal: Han vart halshoggen! – Om dette skremde den oppsetsige jølstringen, seier soga ingenting om!