Heasttašuvkkat
Tieimmu geavahedje cizážiid bivdit ee. állahiid. Gielaid ráhkadedje heasttašuvkkain maid giddejedje fiellobihtáide dahje soappážiidda.
Rievdnemálli
Ovdal soađi omd. Porsáŋggus bivde állahiid. Giđđat lei oainnat biergu vánis, ja olbmot fertejedje bivdit állahiid. Rievdnemáli das dávjá vuoššastedje.
Dálkemearka
Állahat leat maid dálkemearka. Giđđat go ollu állahat girdet fárrolagaid, moahtin, de boahtá borga.
Go máhtát dego állat
Állat lei dakkár loddi mii iđđes lei ruoinnas ja eahkedis gis buoidi. Muhtun olbmuid birra sáhttá de dadjat ahte “go máhtát dego állat”. Na, dakkár olbmuid birra mat jođánit ruidnot ja fas buidot.
Giittán RiddoDuottarMusea bargiid Torolf Bjørnbacka, Åse Johnsena ja Anders Henriksena dieđuid ovddas ja giittán maiddái Piera Baltto.