Govat báhcán muitun

Nuorra sámi dáiddár jámii juo 26-jahkásažžan, muhto su dáidda galgá ain eallit, háliida áhčči John Persen. Theo Persen háhppehii ráhkadit badjel 3000 gova ja sárgumiid oanehis eallimis.

John Persen

Nuorra sámi dáiddára Theo Persena áhčči, John Persen, háliida bártnis dáidaga gudnejáhttit neahttagalleriijain.

Foto: Brita Åse Norlemann / NRK

– Theo dáidda galgá ain eallit, vaikko lea lossat. Nu lohká su áhčči, sámi komponista John Persen. Son háliida doalahit áidna bártni dáidda heakkas, ja lea danin digitaliseren buot govaid ja sárgumiid maid Theo guđii. Dáiguin son háliida ráhkadit sierra neahttagalleriija.



Jámii nuorran

Theo jámii diibmá, 26-jahkásažžan. Dieđusge lea dát leamaš ja lea ain lossat. Muhto morraša sáhttá mángga ládje dustet ja dikšut. Ja áhččeolbmui lea leamaš ávkkálažžan bargat Theo govaiguin.
– Lean digitaliserenbargguin nagodan časkadit morraša, lohká áhčči.

Govat báhcán muitun

Sierra muitočájáhusas Oslos leat govat leamaš vuovdemassii. Muhto su lagamusat eai leat vuovdán govaid main Theo lea iežas sárgon.
– Dát portreahtat addet čiekŋalit muittu áidna bártnis, go dábálaš govvejuvvon porteahttagovva. Danin dat galget doalahuvvot bearrašis.

Bilder av Theo Persen

Oasáš muitučájáhusas Oslos.

Foto: Brita Åse Norlemann / NRK

Erenoamáš attáldagat

Theo sárgunoahpaheaddji, Jan-Cato Bøttger, oahpahii ja nevvodii Theo mánga jagi. Son oaivvilda ahte Theos ledje eamiattáldagat mat eai leat jur juohke dievá duohken.
– Son lei erenoamáš talenta, gii livččii sáhttán šaddat dovddus dáiddárin oba máilmmis. Theo searaid gal beassá vásihit dušše moddii eallenagis, oaivvilda son.


Oanehaččat

  • Influeansa Romssas

    Olbmot geaidda influeansa sáhttá čuohcat garrasit nugo ovdamearkka dihte áhpehis nissonolbmot, boarrásat ja ástma- ja geahpessonahat buohccit, berrejit boahkuhit iežaset. Dan dadjá Romssa suohkandoavttir, Marit Gulbrandsen. Ja son muitala ahte dál leat eanet aht eanet olbmuide njommon influeansa Romssas, muhto unnán olbmot geat leat riskajoavkkus leat boahkuhan iežaset, ja dat lea Gulbrandsen mielas heitot.

  • Oahpaheaddji galgá leat časkán

    Skuvlaoahpaheaddji Viestterállasis, Nordlánddas, lea permiterejuvvon maŋŋel go son galgá leat časkán oahppi. Oahppi váhnemat leaba váidán oahpaheaddji politiijaide, dan dieđiha Vesterålen Online. Bievát suohkana mánáidgardihoavda Hans Kristian Pettersen duođašta ahte juoga lea geavvan oahpaheaddji ja oahppi gaskkas mánnodaga dán vahkus. Doavttir lea iskan oahppi ja son ii leat bávččagan bahuid.

Laster Twitter-innhold

På forsiden av NRK Sápmi nå