- Nuoskkideapme ii leat doarvái

Sámediggepresideanta ii loga vuoiggalažžan fas gáibidit oasi Norgga oljodietnasis sápmelaččaide, vaikko Muolkkuid suovva ja gožu nuoskkida sámi guovllu. 

Sotrøyk fra Melkøya
Foto: NRK
Sametingspresident Egil Olli
Foto: Scanpix/AFP

Lei ovddeš várrepresideanta Johan Mikkel Sara, gii ikte muitalii ahte son ballá nuoskkideame billistit ealáhaga lahka Muolkkuid. Son lohká ahte dál livčče áigeguovdil gáibidit oasi Norgga oljodietnasis, go čajehuvvo movt petroleumadoaimmat váikkuhit sámi ealáhusaide.

- Sávan ahte Sámediggeráđđi duođas bargagoahtá dáinna áššiin, lohká Sara.

- Ii leat doarvái

Norgga sámediggepresideantta Egil Olli gal ii leat ovttaoaivilis Sarain. 

- Dát okta ášši gal ii čuoza nu garrasit ahte mii galgat nu issorasat bargat dainna. Mii fertet jurddašit veahaš dobbelii vel, lohká Olli.

Son ii ge doaivvo dál vel sáhttit lohkat ahte gožusuovva váikkuha hejot sámi ealáhusaide.  

- Nu sáhttá dieđos geavvat boahtteáiggis, ja dalle leat ollu ealáhusat maid ferte muitit, maiddái guolástanealáhusa, lohka Olli.

- Ferte bissehuvvot

Vaikko Olli ii leat ovttaoaivilis Sarain, de lohká gal gožusuova fertet bissehit.

- Mii eat sáhte dohkkehit ahte Muolkkuin galgá dákkar mirkosuovva borggistit, go dat nuoskkida eatnamiid ja čáziid, dadja Olli.

Oanehaččat

  • 503 Service Unavailable

    Error 503 Service Unavailable

    Service Unavailable

    Guru Meditation:

    XID: 1837296239


    Varnish cache server

  • Stuorra ruvkešiehtadus Guovdageidnu

    Ruvkefitnodat Nussir ii leat goassege ovdal dahkan iežaset doaibmanáiggis ná stuorra šiehtadusa ruhtasummá dáfus go dál lea dahkan Guovdageainnu fitnodagain Arctic Drillingain, vaikko vel eai leatge gullan Birasdirektoráhtas ahte ožžot go lobi luoitit lundui ruvkebázahusaid, nu muitala Nussira beaivválaš direktevra Øystein Rushfeldt.

  • Rievssatlohku

    Finnmárkkus lea rievssatlohku sturron, dađibahábut lea lulli-Norggas fas nuppe láhkai, čájehit lohkamat. Dát stuorra erohusat sáhttet dagahit ahte olusat vulget dál Finnmárkui rievssatbivdui. Dát ges baldá smávvafuođđobivdo ovddasvástideaddji Deanu Bivdo jo guolástansearvvis Ståle Henriksena. Searvi dáhtošii dál rádjet ahte galle beatnaga besset geavahit bivddus, ja seammás ballet ahte bivdit eai doahttal bivdoeriid.

På forsiden av NRK Sápmi nå