Skohter akšuvdna

Deanus leat álggahan akšuvnna bisuhit skohtermáđiid

Arild Pettersen
Foto: Nils Henrik Måsø / NRK

- Divtte min doalahit skohtermáđiid. Dat čuožžu čállon koarttas maid deatnolaš Arild Pettersen ávžžuha finnmárkolaččaid sáddet stáhtaministtarii Jens Stoltenbergii.

GULDAL:Arild Pettersen

Jens Stoltenbergii

Duogáš akšuvnnii lea Luondduhálddašan direkteroháhta ođđa mohtorjohtolat láhkaárvalus. Lága ulbmil lea earret eará loahpahit máđiid mat mannet jávriidde. Dát lea nu sakka hárdán Arild Pettersena, ahte mearridii sáddet koartta Jens Stoltenbergii. Das son ávžžuha stáhtaministara bisuhit máđiid.

Sms

Sms bokte son hástalii maiddái iežas skihpáriid dahkat dan seamma. Ja bovdii deaivvadeapmái Deanušaldis. Sii fas bovdejedje sin skihpáriid. Já fákkestaga lei akšuvdna viidon, ja go deaivvadedje de doppe ledje sullii 70 skohtera ja čuohttemađe olbmo.

Dáppe son ávžžuhiii buot finnmárkolaččaid sáddet koartta stáhtaministtarii.

Bissehit

Akšuvnna ulbmil lea oažžut ráđđehusa bisuhit skohtermáđiid vai olbmot ain besset vuodjit skohteriin.

Arild Pettersen ii loga iežas gal leat eddon, muhto beahtahallan go finnmárkolaččat eai galgga beassat vuodjit skohteriiguin meahcis nu movt hálidit, seamma láhkai go máttlaččat besset vuodjit fatnasiiguin Oslovuonas.

Oanehaččat

  • Billistan šilttaid

    Dál leat vuohon billistan sámi nammmašiltta Sálašvákkis, Romssas. Beassážiid áigge sárggodedje Sálašoaivvi báikenama ja dalle finai Romssa sátnejođiheaddji Jens Johan Hjort lonuheame šiltta. Dál leat ges sprájjen málain dán nama. Romssa várresátnejođiheaddji Anni Skogman gii gullá Ovddádusbellodahkii, dadjá NRK:i ahte lea suddu go billistit šilttaid, leaš dál šilta sámegillii dahje dárogillii.

  • Dievdu jápmán Báhccavuonas

    Otne mearriduvvo ahte biddjo go badjelaš 50 jahkásaš dievdu háldogiddagassii vai ii. Dát jearaldat čuožžilii maŋŋel go dievdu gávdnui bearjadaga bahuid roasmmehuvvan iežas ruovttus Ealjasnjárggas, Báhccavuonas, Davvi-Romssas. Son lea dál jápmán, dadjá Málatvuomi leansmánni kantuvrra politiijabálvá John-Kåre Granheim, Nordlys áviisii.

På forsiden av NRK Sápmi nå