Hopp til innhold

Siviláittardeaddji ádde sámefángga dili

Siviláittardeaddji ipmarda buoret mo sámi fáŋggain lea dilli go eai beasa sámástit, dan lohká go lea deaivvan sámi fáŋggain.

Samisk fange
Foto: Liv Inger Somby / NRK

Sámi fáŋgii Tromssas, gii čavčča rájes lea váidalan go šaddá ohcat lobi hupmát sámegiela giddagasas, soaitá dilli buorránit maŋŋel go siviláittardeaddji finadii su luhtte.

Ádde sin dili

Siviláittardeaddji Arne Fliflet lohká deaivvadeami fáŋggain addán sutnje eanet ipmárdusa mo fáŋga lea viggan oažžut earáid ipmirdit man dehálaš sutnje lea gulahallat eatnigiellain.

Siviláittardeaddji Arne Fliflet lohká ahte lea dábálaš ahte ii obage smiehtas ahte ferte dulka fárus go galgá ságastallat muhtin sápmelaččaiguin. Eanaš sápmelaččat oainnat hállet dárogiela, muhto sidjiide lea dieđosge eanemus lunttolaš sámástit go galget áddehallat buoremusat. Siviláittardeaddjis ii lean dulka fárus ja iige Romssa giddagas ge lean jurddášan váldit dulkka fárrui go ságastalái Sámi fáŋggain.

Buorebuot fánggaide

Dál leat oaidnán Sámi fáŋggaid dili giddagasain ja dál siviláittardeaddji áigu joatkkit buorideamis sámi fáŋggaid dili geavahit eatnigiela giddagasain. - Čoahkkimis ovddit beaivvi bođii maid ovdan ahte Romssa giddagas lea juo bargagoahtán áššin, lohká siviláittardeaddji, Arne Fliflet.

 

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.