Seastinplána sajis

Kárášjoga gielddastivra mearredii ovttajienalaččat ikte stuorra seastinpálan.

Kommunestyremøte i Karasjok
Foto: Dan Robert Larsen / NRK

Kárášjoga gielddastivra mearredii ikte ovttajienalaččat seastit bijuid oktiibuot 17 million kruvnna ovddas.

Guovddášbellodaga sátnejođiheaddji Anne Toril Eriksen Balto, fertii vuollánit ja doarjut earret eará Bargiidbellodaga seastinevttohusa.

Solveig Boine Nikkinen

Kárášjoga várresátnejođiheaddji, Solveig Boine Nikkinen, duorastaga gielddastivrračoahkkimis.

Foto: Dan Robert Larsen / NRK

Maŋŋá čoahkkima lei várresátnejođiheaddji, bargiidbellodaga Solveig Boine Nikkinen, duhtavaš go bellodagaid áirasat olahedje soabalašvuođa.

  • Gula ášši dás:

Oanehaččat

  • Návuona válga

    Ja Návuona gielddas Romssas lea otne historjjálaš álbmotjienasteapmi. Doppe jienastit otne das, ahte časkkogo gielda oktii Finnmárkku gielddaiguin Álttáin ja Láhpin. Jos álbmot jienasta ovttasteami beales ja Stuorradiggi maid dohkkeha dan, de Romssa ja Finnmárkku fylkkarájá ferte sirdit máddelabbui Nuovasmuotkái. Ollugat leat jo ovddalgihtii jienastan ja dát čájeha ahte dát lea dehálaš jienasteapmi ja sátnejođiheaddji Eirik Losnegaard Mevik vuordá sakka makkár de šaddá válgga boađus.

  • Dubmejuvvon almmái lovpen

    Almmái gii diibmá dubmejuvvui Davvi-Romssa diggegottis gávcci jahkái giddagassii danne go roavvásit lei seksuálalaččat illástan iežas nieidda ja muhtun eará nieidda, lea dál lovpen go son lei okto beassan mátkkoštit Čáhcesullo giddagasas Bergena giddagassii. Gardermoena girdišillju rájes son ii leat šat dihtton gostege ja lea leamaš jávkosis mánu, čállá Nordlys.

Laster Twitter-innhold