Viimmat oahpásmuvvat unna stuorra sámi nissonii

Leage beakkán sámenisu Elsa Laula Renberg, gii čohkkii sámiid vuosttaš riikkačoahkkimii dien beaivvi jagis 1917. Dál lea vejolaš oahpásmuvvat sutnje, go dál lea Siri Broch Johansen čállán biografiija sus.

Elsa Laula Renberg riegádii Vualtjere suohkanis 1877, ja Vualtjere girkogirjái lea merkejuvvon ahte son gásttašuvvui juovlamánu 2. beaivvi jagis 1877.

Son šattai bajás das Vualtjere suohkanis, ja oktiibuot ledje su bearrašis ovcci máná, muhto njealjis mánáin jápme juo mánnán.

Bajásšattai geafes bearrašis

Elsa Laula Renberg vánhemat ledje boazodoallit, muhto geavai nu ahte oanehis áiggis massii bearaš boazoealus, ja bearaš fertii álgit eanadoaluin.

Sis lei smávva dállu man namma lei Kanaan, muhto go bearaš gulai boazodollui, de ii lean sis vejolaš oažžut mihtiduvvot eatnamiid.

Sis ii lean vejolašvuohta beassat oamastit eanadoalloeatnamiid. Dát dannego 1880-logus lei Ruoŧa-eiseválddiin dakkáraš oaidnu ahte sámit ledje johttisámit, danne eai dohkken sii eaiggáduššat eatnamiid.

Elsa beroštišgođii politihkas

Elsa Laula bajásšattai dien áigge, ja gulai diehttalasat olbmuid ságastallamin diein áššiin.

Su áhčči lei gártan giddagassii dannego oaivvildedje su lean suoládan šibitealus, mii lei guohtumin meahccis, ja nu geavai son gávcci mánnui giddagassii.

Lars Thomas Laula lei Upmis giddagasas cuoŋománu 18. beaivvi rájes skábmamánu 18. beaivái 1887:s.

Bearraša vásáhusat bokte su politihkket

Maŋŋilgo Elsa Laula rávásmuvai, de fárrii son Norgii. Doppe deaivvai ráhkesvuođa ja náitalii. Muhto ovdal go fárrii de lei politihkken juo olu Ruoŧa bealde.

Doppe ledje ollugat geat eai liikon su doaimmaide, de ii leat riekta čielggas báhtariigo son Norgii.

Guovvamánus 1917 čohkkii son sámiid vuosttaš riikkačoahkkimii, danne lea mearriduvvon ahte guovvamánu 6. beaivi galgá leat sámi álbmotbeaivi.

Juste danne go Elsa Laula Renberg čohkkii sámiid vuosttaš oktasaš deaivvadeapmái.

Son jođašii maid olu, earret eará leat su biografiija-girjjis govat mat čájehit su mátkkiin.

Girjji lea Siri Broch Johansen čállán ja ČálliidLágadus dat ammuha biografiija-girjji.