Son ássá guovtti gielddas, Kárášjogas ja Muosáin, ja su mielas gal lea buorre go doavtterbálvalusa šaddá vejolaš olahit seamma telefovdna nummaris.
Dihto nummar
– Mun láven dávjá bártidit go galggan gávdnan daid telefonnummariid, de lea ohcat ja jearahallat olbmuin ja dat gal lea sihkkarit buorre go dalle diehtá juohkehaš go riŋge ahte doavttir lea fidnemis, dadjá son.
Mánu geažes de galgá buot norgga doavtterbálvalusain, 426 gielddas, leat seamma telefovdnanummar, lea Dearvvasvuođa direktoráhta mearridan. Kárášjoga gieldda ráđđealmmái lohká ođastusa álbmogii ávkin.
– Dál lea juohke gielddas miehtá riikka sierra telefonnummar dan doavtterbálvalussii, ja go dál oažžut dan riikkaviidosaš telefonnummara, de lea dat seamma nummar gos dal jo leaččat Norggas.
Jus leat jođusge ja dárbbašat doavtterbálvalusa, de sáhtát dalle maiddái geavahit dan seamma nummara ja de beassat dan lagamus doavtterkantuvrii, deattuha Boine.
Čakčamánus lonuhuvvo nummar
Fástadoavtterortnegii ja heahtebálvalusa 113-doibmii ii váikkut rievdadus, mii mearkkaša ahte čakčamánu 1.b. rájes, de fidnegoađát doavtterbálvalusa go deaddilit 116117.