Dihte tjaebpies jih rovnegs monstere «Gruffele» åehpies maana-gærja, abpe veartanisnie. Daam maana- gærjam 50 gïeline jarkostamme, daelie aaj åarjel saemien gïelesne båata.
Fylhken gærjagåetie Noerhte Trøøndelagesne jih Gïelem Nastedh Snåasesne, ektesne barkeme jih daam gærjam, åarjelsaemien gïelese jarkoestidh. Gøøkte vielie gærjah jarkoestiminie. Fylhken gærjagåetien ålma Morten Olsen Haugen, tuhtjie daate barkoe vihkeles.
– Vihkelommes gïele jeala. Gåessie gïele jeala, dellie dihte saemien kultuvre aaj jielije lea Haugene jeahta.
Heamture.
Daate lea heamture snjearan bijre mij pryøvoe jih dejstie ov-juvrijste bearkadidh. Dellie dihte buektehte dejtie nollehtalledh, monstere voelpem åtna. Dellie dihte heamture aalka, Gruffelen bijre.
Gruffele, gærja-tjaelije Julia Donaldson jih guvviedæjja Axel Scheffer ligan jienebh gærjah tjaaleme. Gruffelen maanah jih aaj gellie tjuvtjiedimmie gærjah dorjeme.
Jienebh gærjah åarjelsaemien gïelese jarkoestidh.
– Håhkoem utnebe daelie jih juelkietjengkere, prinsessa, traktovre gærjah jarkoestidh. Dagkeres aamhtsi bijre sijhtieh gaajhkh maanah lohkedh. Geervemes jih beetneh- vierhtieh daejtie prosjektide åadtjodh, Haugene jeahta.
Gruffele gærjan bijre edtjieh vuesiehtidh jih bijre soptsestidh, Åarjel-saemiej skuvlesne, Snåasesne. Bearjadahken golken 31.b. ts 1300.
