Nils Henrik Guttorm lea leamašan drošševuoddji Kárášjogas dan rájes go lei 23 jagi boaris. Son álgi drošše bargui dainna go liikui biillain vuodjit. Dál son vuige ahte háliida heaitit:
– Dál mun gal háliidan heaitit, maŋimuš vahkku lea leamašan hui lossat, dadjá Guttorm.
Boahtá ain vuodjit muhtin tuvrraid
Vaikko vel lei ge maŋimuš bargobeaivi otne, de soaitá son váldit vuoddjin barggu muhtimin:
– Sáhtán vuodjit vel drošše vihtta jagi. Sáhtán gal vuoddjit muhtin tuvrraid earáid ovddas. Mun de gal boađan vuodjit ain veahá. In leat gal áibbas heaitimin vel, čaibmá Nils Henrik.
Guhká vuodján
Soaitá leat ahte Nils Henrik Guttorm lea dat drošševuoddji gii lea guhkimus bargan drošševuoddjin Norggas.
Muhtimin dolká
Nils Henrik lohká ahte son muhtimin dolkkai dán barggus. Go duollet dálle beassá friddja váldit de lea son dego ođđa vuoddji go boahtá fas bargui.
Vaikke sáhttá dolkat barggus, de lea barggus somás bealit maid.
– Doppe lea ollu somás vásáhusat maid lean vásihan go lean leamašan drošševuoddji, dadjá Guttorm.
Johttán miehtá finnmárkku
Nils Henrik lea beassan olu johttit dán barggus. Son lea miehtá Finnmárkku johtán, ja lea maid Tromssas fitnan.
Kárášjogas son lea eanaš áiggi bargan, ja dovdá ge báikki hui bures:
– Mun gal dieđan dadjat jo juohke olbmo gos gii orru, muitala Guttorm.