Helgelaanten lientsiedajve bievnede edtjieh gaskevåhkoe- aereden aelkedh duvriem haepkeste jih skovhterijstie vijredidh. Daate dellie sjædta Aarboertesne jih Gaalesne. Daam saerniem, dihte plaerie avisa Nordland tjaala.
–Edtjebe aktem duvriem voestes raajeste vuetjedh, dihte vijremeåejvie Ann Line Finanger jeahta Helgelaanten lientsiedajvesne.
Duvrie moetesjamme.
–Duvrie daam dajvem gaarhta, gusnie bovtsh jih sirvh leah. Såårneme jijnjh barhvh gaavneme, desnie gusnie moetesjamme. Ij leah dihte duvrie skrapmoeh mestie gænnah! Baaltede ståapoede, Finanger jeahta.
Luhpiem utnieh jih haepkiem jih skovhterh nuhtjedh gåessie edtjieh daam duvriem dåalvodh.
Båajas giejh vuahteme.
Terje Bø, Byjresedirektoratesne bievnede, ihke daelie direktorate vijremen Sijdurresne luhpiedamme gåessie båajas giejh vuahteme.
– Haepkie lea daerpies viehkie daan kraejhpies dajvesne, dihte Terje Bøe jeahta.
Tjuerieh vijremem bearjadahken raajeste bøørhkestidh.