Hopp til innhold

Lea go dárbu strategalaš bajásšaddanplánai

Gáivuona suohkan bargagođii ikte strategalaš bajásšaddanplánain.

Strategisk oppvekstplan i Kåfjord
Foto: Klemet Anders Sara / NRK-Sápmi

Leder i Kåfjord ungdomsråd, Jonas Vatne

Nuoraidlávdegotti jođiheaddji Jonas Vatne.

Foto: Klemet Anders Sara / NRK-Sápmi

Buot skuvllaid ohppiidráđiid ja nuoraidráđi mielas lea dehálaš buoridit mánáid- ja nuoraidfálaldagaid, vuoi dovdet gullevašvuođa suohkanii lihkká go fárrejit eará guovlluide gazzat liigeoahpu.

– Dehálaš bargu

Elea Mathisen, leder elevrådet i Olderdalen skole

Dálošvákki ohppiidráđi jođiheaddji Elea Mathisen.

Foto: Klemet Anders Sara / NRK-Sápmi

Nuoraidlávdegotti jođiheaddji Jonas Vatne, atná iežaset barggu dehálažžan go dát jáhkkimis dahká ahte mánát ja nuorat muitet man buorre dat lea orrut suohkanis.

Gáivuona suhkan dat álggahii dan barggu čalmmustahttit ovttastuhttin našuvnnaid mánáidkonvenšuvnna 25 jagi ávvudeami mii lea boahtte mánu, golggotmánu 24. beaivvi.

Nuorat besse hábmet

Pål Vegard Eriksen

Pål Vegard Eriksen rámida iežas mánnávuođa ja nuorravuođa eallima Gáivuonas, ja imašta manne lea dárbu dákkár bargui.

Foto: Picasa / Privat

Ikte besse nuorat hábmet mii sin mielas lea dehálaš deattuhit, vai lokte áiggi suohkanis. Dálošvákki ohppiidráđi jođiheaddji Elea Mathisena mielas lea dehálaš bargu, ja sávvá ahte politihkkárat dorjot sin árvalusaid.

Imašta

Pål Vegard Eriksen lea orron Romssa gávpogis máŋga jagi, maŋŋil go gearggai nuoraidskuvllas. Eriksen maid rámida iežas mánnávuođa ja nuorravuođa eallima Gáivuonas, ja imašta manne lea dárbu dákkár bargui.

Jotket seamma láhkai

Svein Leiros

Gávuona sadjásaš sátnejođiheaddji Svein Leiros.

Foto: Klemet Anders Sara / NRK-Sápmi

Gáivuona suohkan válljejuvvui 2011 norgga buoremus mánáid- ja nuoraidsuohkanin, dán sii áigot joatkit ja danne atná Gávuona sadjásaš sátnejođiheaddji Svein Leiros dehálažžan guldalit mánáid ja nuoraid sávaldagaid boahtteáiggis.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.