Guovdageainnu sátnejođiheaddji Johan Vasara dat čállá dán birra, ja ikte deaivvadedje dien guovtti gieldda ovdagottit ságastallat guorahallama birra. Geassemánu álggus doallá
Guovdageainnu suohkan álbmotčoahkkima mas bovdejit ságastallamii dien Norut rapporta birra ja geassemánu 16. beaivve de mearrida Guovdageainnu suohkanstivra loahpalaččat mo suohkanovttastusas, čállá Vasara.
Váldočuoggát raporttas
Norut geassá ovdan dán raporttas ahte lea dat guhkes gaskat go lea sáhka Norgga guovtti stuorámus gielddas, dahká ahte šaddá váttis ovttastahttit dien guovtti gieldda, muhto oidnet olu vejolašvuođaid gokko ovdal sáhttet ovttasbargat.
Dien ovttasbarggu oaidná Norut vejolaš ain nannet dálá ovttasbargoorgána, Ávjováre eamiálbmotguovllu bokte.
Norut ii ge oainne lunddolaš ealáhusovttasbargguid leamaš dahje gávppašemiid suohkaniid gaska, go Kárášjogas mannet Porsáŋgui ja Guovdageainnus Áltái. Čujuhit maid dasa ahte ii leat go 40 jagi áigge go geaidnu bođii. Sii maid čujuhit olu eará erohusaide gielddain, mii dahká váttisin ovttasbarggu fidnet.
