Hopp til innhold

Goaskin dohppen miesi

Várnjárgga orohagas fuomášedje miesi mas ledje guokte stuora ráiggi čielggis go ledje gárddastallamen. Orohat ovdaolmmoš Aslat Niillas Smuk diehta sihkarit makkár ealli dat lei, mii áiggui goddit dán miesi.

kalv-ørn

– Dat lea čielggas ahte goaskin dat lei čuolastan, dadjá Smuk.

Várnjárgga orohagas lei gárddis eallu mannan vahkkoloahpas, go fuomášedje miesi maid návde goaskin gaccaid siste leamašan.

Orohat válddi oktavuođa guovllu Stáda luonddubearráigehččiin, SNO, Arne Petter Sarriin, gii duođašta dán.

Várnjárgga ovdaolmmoš muitala ahte orohagas lea nu valjit goaskin ahte giđđajohtin áigge lea dábálaš oaidnit goaskimiid mat čuvvot ealu.

Guovllus gávdnojit sihke gonagas goaskinat ja mearragoaskinat, duođašta Sarre, main sáhttá soadjeguhkkodat šaddát beal goalmmát mehtera.

Norgga stáda atti ruđa olbmuide geat báhče goaskin gaskamuttus 1800-logu, muhto čuođi jagi maŋŋel ráfáiduhttui goaskin.

SNO-olmmái lohká orohaga goitge sáhttit ohccat báhčinlobi. Muhto de ferte orohat gávdnat juste dan goaskin mii čuoladii miesi. Báhčinlobi goitge áigot ohcat.

  • Gudal ášši:
    Goaskinhávit miesis

Korte nyheter

  • Beitekrise i Karasjok - skuterløyper stengt

    Kriseberedskapsutvalget har erklært beitekrise i store deler av Karasjok. På grunn av dette er flere skuterløyper stengt, skriver Karasjok kommune på sin nettside.

    Løype 5 mellom Láŧevuovdi og Guovžilbohki og løype 17 Badjenjárga til Dákteroavvi stenges midlertidig.

    Løypa stenges fram til 8. april av hensyn til reindriften.

    Karasjok kommune kan stenge skuterløyper etter kommunal forskrift om snøskuterløyper § 7.

    Beitekrisen har rammet flere distrikt i Nordland, Troms og Finnmark, og har så langt berørt i overkant av 60.000 rein.
    Foto: Landbruks- og matdepartementet
  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi