Sámedikki vuorrasiidráđđi galledii Gáivuona dearvvašvuođa guovddáža mannan distaga. Sii illudedje go oidne man bures suohkan váldá vára iežaset buohcciin ja boarrásiin geat orrot dearvvašvuođa guovddážis.
– Dáppe ii leat váralaš šaddat vuorasolmmožin
Sámedikki vuorasolbmuidráđi stivralahttu, Berit Nikkinen Varsi mielas láhčet Gáivuonas erenoamaš bures buohcciide ja boarrásiidda, gos guossohit albma varas borramuša.
Foto: Klemet Anders Sara / NRK-SápmiKárášjohkalaš Berit Nikkinen Varsi lei hirpmástuvvan man bures Gáivuona dearvvašvuođa guovddáš váldá vára iežaset vuorraset olbmuin geat šaddet orrut guovddážis.
– Finaimet dearvvašvuođa guovddáža gievkkanis, ja dáppe ráhkadit buot borramušaid maid guossohit buhcciide ja boarrásiidda. Dasa lassin lasihit vitamiinnaid mat leat dárbbašlaččat, dadjá Berit Nikkinen Varsi, guhte lea Sámedikki vuorasolbmuidráđi stivralahttu.
– Gáivuonas ii leat heahti go boarásnuvvá, dadjá Nikkinen Varsi.
Buot lea varas maid guossohit
Ardis Pedersen mielas lea dehálaš ahte buohccit ja vuorrásat oččot varas borramuša. Dá son lea bassimen varas sáiddi.
Foto: Klemet Anders Sara / NRK-SápmiGoahka, Gáivuona dearvvašvuođa guovddážis, Ardis Pedersen čilge ahte ráhkadit beaivválaččat varas borramuša ássiide ja sidjiide geaidda dolvojuvvo borramuš.
– Sii láibot ja gáhkkejit maid ieža, dadjá Pedersen.
