Dán váhku leat poastakássaide miehtá Deanu ja Kárášjoga boahtán girjjit deanu luosa dutkama birra. Dát lea sihke sámi- ja dárogillii. Šiehtadallamat Deanu čázádaga ođđa hálddašeamis gaskal Norgga ja Suoma, lea dágahan, ahte sii geat barget dáinna, áigot čájehit mii dáhpáhuvvá luosain Deanus, muitala luossadutki Morten Falkegård.
Falkegård guhte lea dutki Norgga luonddudutkan instituhtas vuordá girjjáža boktit sihke digaštallama ja beroštumi. Son deattuha, ahte sii geat barget Deanu šiehtadallamiiguin gaskal Norgga ja Suoma, áinnas háliidit Deanu ja Kárášjoga álbmogis oaiviliid.
Son dáhtošii olbmuid erenoamážit geahčadit kápihttal 6.2, gos boahtá ovdan man stuorra erohus lea luossabivddus gaskal Deanu čázádaga ja eará luossajogaid Finnmárkkus. Luosat mat galget bajit osiide ja Deanu oalgejogaide, šaddet vásihit bivdima sihke rittus, vuonas, oaivedeanus, ja oalgejogas.
Dás gulat ášši: