Tor Asle Varsi ii leat duhtavaš mot dispalávdegoddi Deanu gielddas juohká vuodjenlobiid. Lávdegoddi njulgestaga badjelgeahččá sin geat háliidivččet luomemeahccái vuolgit dahje jávrebivdui.
Son maid cuiggoda go diehtá ahte ealga- ja rievssatbivdit ožžot liige vihtta dispa dahje vuodjenlobi, earret go dat maid muđuid maid ožžot nu mot earát.
Ožžot vihtta tuvrra
Dispensašuvnna lávdegottijođiheaddji Håvald Hansen, ii háliidan searvát rádio jearahallamii, muhto lea maila bokte vástidan. Das son čállá ahte lea dušše ealgabivddu joavkojođiheaddji guhte oažžu vihtta tuvrra vuoddjit, vuoi beassá lávu /tealttá ja muæuid biergasiid doalvut meahccái.
Vealaheapmi!
– Dispalávdegottis lea vealaheapmi, dadjá Varsi.
Son lei árrá geasi ohcan vuoddjinlobi, ja go lei geavahan buot su njealje tuvrra, de son ozai liige lobi. Muhto dan son ii ožžon. Su mielas lea ártet go ealgabivdit ja rievssatbivdit geain ledje geasset maid dispat, ožžo fas dál.
Dál lohká Varsi áigut rihkkut lága ja vuodját duoddarii lubmet, almmá vuodjenlobi haga.
- Guldal olles ášši dás:
Finnmárkku luonddugáhttenlihttus árvalit ges rievdadit olles dán sierravuoddjinlobi ordnega, go ii jáhke gielddaid gal rievdadit dálá vugiid mo sierravuodjionlobiid juollodit.
Sáhka Váibmosis-sáddagis 27.08 lei eanet dán birra. Gula sáddaga dás: