Vuosttaš geardde historjjás de bivdá Norgga Boazosápmelaččaid Riikasearvvi ovdaolmmoš čoahkkima stádaministtarin digaštallat boazodoalu hástalusaid ja váttisvuođaid birra.
NBR ovdaolmmoš Ellinor Marita Jåma lohká ahte stádaministtar Erna Solberg berre diehtit mat leat ealáhusa stuorámus váttisvuođat.
Deaivvadeaba boahtte mánu jo
Stádaministera kantuvrras ledje jođánat vástidit go NBR jođiheaddji bivddii guokte vahko dassái čoahkkima stádaministtarin Erna Solbergain. Boahtte mánus juo šaddá deaivvadeapmi.
Berre leat ávkin ealáhussii
Jåma lohká ealáhusa váttis dilis, hástalusat leat čoavddekeahttá numo boazologu heiveheapmi, eananvuoigatvuođa riiddut, boraspire váttisvuođat ja dasalassin gillájit olbmot psykalaččat.
Dát deaivvadeapmi berre leat ávkin ealáhussii, lohká NBR jođiheaddji.