Hopp til innhold

– Gosa leat ruđat šaddan?

12 váhnema Kárášjoga gielddas, geain ledje nuorat Utøya dáhpáhusas eai ádde masa gielda lea geavahan 2,3 miljovnna kruvnnu.

Ingeborg Larssen sitter med bilder i bakgrunnen i sin stue

Utøya gillájeaddji eadni Ingeborg Heidi Larssen dáhtošii dál diehtit gosa ruđat leat šaddan.

Foto: Skjermdump / NRK

Kárášjoga gielda oaččui diibmá 2.3 miljovnna kruvnno vai besset addit buori čuovvoleami siddjiide geat ledje Utøyas go terror dahpahuvvui.

– Eai leat ožžon doarvái veahki

Kárášjoga váhnen Ingeborg Heidi Larssen dovdá ahte sii eai leat ožžon doarvái veahki gielddas. Ingeborg lea váhnen ovtta daid nuoraide geat ledje Utøya terror dáhpáhusas, 2011:s.

Son ja eará váhnemat geain maid ledje nuorat Utøyas eai ádde Kárášjoga gieldda raporta ja masa gielda lea geavahan guokte ja bealle miljovnna kruvnno, go sii eai leat oaidnán dáid ruđaid.

Elfrid Boine

Kárášjoga gieldda ráđđeolmmái Elfrid Boine.

Foto: Ingvill Sunnby / NRK

Geavahan 400.000 Utøya doarjun jovkui

Rapporta čájeha ahte Kárášjoga gielda lea geavahan 400.000 Utøya doarjun jovkui, golmma jagi badjel.

Kárášjoga gieldda ráđđeolmmái Elfrid Boine ii dáhtto kommenteret mii raporttas čuožžu.

Guldal olles ášši:

Publisert

Suoidnemánu 22. b. terrorfalleheamit

Mer om: Suoidnemánu 22. b. terrorfalleheamit

Mer fra NRK Sápmi

Korte nyheter

  • Ođđasat - Davvisámegillii

    Biebmobearráigeahčču geassá ruovttoluotta vuostecealkámuša

    Varanger Kraft Hydrogen fitnodat lea mearridan sirdit plánejuvvon bieggaturbiinnaid mat livččet vejolaččat sáhttán nuoskkidit juhkančázi Bearalvágis.

    Diibmá Biebmobearráigeahčču ii miehtan plánaide viiddidit bieggafápmorusttega Rákkočearu alde, dan dihte go jus ribahit golgat kemikálaid de livčče golgat juhkančáhcái.

    Biebmobearráigeahčču gesii ruovttoluotta vuostecealkámuša go fitnodat mearridii sirdit njeallje turbiinna.

    Rákkonjárgga orohaga jođiheaddji Johan Magne Andersen fuolastuvvu go gullá NRK:s ahte áigot fas sirdit turbiinnaid.

    – Dát lea ođas midjiide, lohká Andersen.

  • Ođđasat - Davvisámegillii

    Stuorra beroštupmi lohkat sámegiela

    Dál leat ohcciid logut almmolaččat Sámi allaskuvllas ja erenoamáš bivnnut lea lohkat sámegiela easkaálgi dásis. Dássážii leat 70 ohcci ja eatnašat sis leat bidjan dán váldovuoruheapmin. Masteroahpu sámegielas lea maiddái bivnnut, 24 leat ohcan dasa.

    – Lea hui buorre oaidnit loguid ahte man gallis háliidit oahppat sámegiela ja lea šállu go mis leat dušše 15 oahpposaji. Dát mearkkaša ahte lagabui 55 kvalifiseren ohcci gártet vuordinlistui, ja danne ferten boahttevaš vahkuid vuoruhit gulaskuddančoahkkimiid sihke Sámedikkiin, ráđđehusain ja Stuorradikkis politihkalašjoavkkuiguin, dadjá rektor Liv Inger Somby. Go giellaoahppu lea nu bivnnut, de ferte dása gávdnat čovdosiid, eambbo resurssaid ja ruđa, joatká Somby.

    Sámi allaskuvla fállá maiddái easkaálgi oahppu lullisámegielas ja dása leat 11 ohcci, muhto máŋggas eai leat vuoruhan dán oahpu bajimužžii. Nu čállá Sámi allaskuvla preassadieđáhusas.

    Sannhets- og forsoningskommisjonen overrekker rapporten. Kommisjonsmedlem Liv Inger Somby.
    Foto: Torgeir Varsi / NRK Sápmi

  • Suodjalus lea viežžan iežaset ruskkaid álbmotmeahccis

    Ruskkat maid gávdne duoddaris maŋŋá Nordic Response soahtehárjehallamiid lea dál vižžojuvvon Suodjalusas.


    Maŋŋágo Nato-hárjehallan Nordic Response lei leamaš Rávttošvuomi álbmotmeahcis njukčamánus, de fuomášuvvui ahte guovllus ledje ollu ruskkat.

    - Dát ii livčče galgan dáhpáhuvvat, dadjá Marianne Rygh Bø, gii lea birasgáhttenoffiseara Suodjalusa operatiivvalaš váldoguovddážis.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen