Eahkes sii galge suohtastallat, muhto dát šattái suhttadahtti eahket, dadjá Britt Elin Hætta Isaksen.
Suoma beal bilkidit ain sámivuođa
Deatnulaš Britt Elin Hætta Isaksen muitala ahte ledje borrandoaluin davviriikalaš Lions čoahkkimis Roavvenjárggas ikte eahkes, go fáhkka iđistii olmmái gárvoduvvon beaskkain, sámi gáhpirin ja galssohiiguin. - Ámudadju lei čáhpadin ivdnejuvvon, ja su eahket nogái dása. Hætta Isaksen ii ipmir manne suomabealde galget dáinna lágin geahčalit čájehit sámivuođa.
Roavvenjárgga Lions-searvvi ovddasteaddji, Mika Huskonen muitala ahte sii dat ledje diŋgon Pekka boahtit siiguin suohtastallat.
– Pekka lea Södenkylä-guovllu boazoeaiggát iige sápmelaš, ja ná sii leat gárvodan aiggiid mielde, čilge Huskonen. Jus muhtumiid mielas ii orron vuogas, de livččii galgat dán muitalit árabut, dadjá Huskonen.
Odne áiggun ieš muitalit mo albma sápmelaš lea
Britt Elin Hætta Isaksen mielas lei duođái unohas ikte eahkes go sámihámát olmmái bođii boradanlatnjii ja billistii olles eahkeda daiguin romes gárvvuiguin.
Foto: PRIVAT– Ivttá heajos vásahus ii lean gal buorre, ja odne go čiŋadan gávttin aiggun čájehit ja muitalit mo albma sápmelaš lea, dadjá Britt Elin Hætta Isaksen. Dáppe leat Norgga-, Ruoŧa-, Islándda- ja Suoma Lions osálasttit, sullii 130 oasálasti muitala Hætta Isaksen
Gula mo Britt Elin Hætta vásihii ivttá eahkeda:
Britt Elin Hætta Isaksen vásihii bilkideami sámivuođa Roavvenjárggas.
Gula Mika Huskonen, Roavvenjárgga Lions-searvi dárogillii:
Mika Huskonen, Roavvejárgga Lions-searvi
